Tumhari aankh se behtey yeh ansoo

Tumhari aankh se behtey yeh ansoo,

Mujhe andar se sehraa kar rahe hain..

Agar tu mauj hai to phir

Agar tu mauj hai to phir,

Main tere sath behtaa hoon,

Agar tu chaand hai to phir,

Main tere sath rehta hoon,

Agar tu paas hai to phir,

Main dil ki baat kehta hoon,

Agar tu door hai to phir,

Main tera hijar sehta hoon..

Mohabbat ki Kahani me koi Tarmeem Mat Krna

Mohabbat ki Kahani me koi Tarmeem Mat Krna,

Mujhe Tm Torr Dena pr Mujhe Taqseem Mat Krna,

Boht Honge Humaray Baad Daawa-e-Mohabbat krne Wale,

Yaad-e-Wafa Rakhna Ksi ko Tasleem Mat Krna,

Agar Lafzon me Aae Nazar Chehra Mera,

Chupke se Choo Lena Magr Toheen Mat Krna….

Judaa taarey se taara ho geya naa

Judaa taarey se taara ho geya naa,

Bicharrney ka ishara ho geya naa,

Sikhaya tha jisey dunya main jeena,

Wohi duniya ko pyara ho geya naa,

Kaha bhi tha mohabbat tum na karna,

Khasaara hi khasaara ho geya na,

Bohat hi door apni pohanch se,

Rafaqat ka kinara ho geya naa,

Jo jaan se pyara kabhi tha,

Wohi dushman hamara ho geya naa,,

Har kaam bigarrta hai hum jaison ka

Har kaam bigarrta hai hum jaison ka ho ho ke,

Un ko bhi koi poochey bethe hain jo ro ro ke,

Hum jaagney walon ko zindon main samajhte hain,

Mar jartey hain kitne hi meri tarah so so ke,

Daaman to hai daaman phir, phailana hi parta hai,

Yeh saaf nahi rehta dekha isey dho dho ke,

Jiss cheez se qurbat ho ajati hai doori bhi,

Ik shakhss ko paa hai ik shakhss ko kho kho ke,

Aye Saad chalo chorro kuch dair ko sasstaa* lo,

Yeh bojh hai sochon ka mar jao ge ddho* ddho ke..

Teri mohabbat ka bojh dhhoney

Teri mohabbat ka bojh dhhoney se reh geya hoon,

Mujhe yeh dukh hai main tera honey se reh geya hoon,

Mujhe bhi aati hai dunyaa dari bicharrney waley,

Magar main iss sanchey mein roney se reh geya hoon,

Kahin hoon mojood main bhi is dastaan mein lekin,

Teri zubaani beyaan honey se reh geya hoon,

Mere hadh-o-haal mukhtlif to nahin hain tujh se,

Magar main kyon tere jaisa honey se reh geya hoon,

Yeh khaak mere lahuu ki peyaasi hai aur Shehzaad,

Yahan main shaakh-e-gulaab bonay se reh geya hoon..

Mujh ko ik humdum mila tha

Mujh ko ik humdum mila tha, ik safar ki raat mein,

Main bohat be’khud hua tha, ik safar ki raat mein,

Janey kis ki yaad thi ke aik manzar dekh kar,

Toot kar main ro parra tha, ik safar ki raat mein,

Kash aesa ho, yahin pe rok lain hum waqt ko,

Yaad hai, tu ne kaha tha? ik safar ki raat mein,

Woh jiss se umar bhar ki doooriyan mansoob hain,

Mere seeney se laga tha, ik safar ki raat mein,

Har tarah phailey huye they yaad-e-gham ke silsiley,

Kitna mushkil raasta tha, ik safar ki raat mein,

Ghar se bahar paaon rakhtey hi larzz uthta hai dil,

Haadsaa aesa hua tha, ik safar ki raat mein,

Aaj bhi main gungunaata hoon usey tanhayi main,

Geet jo hum ne sunaa tha, ik safar ki raat mein,

Uss ki yaadon ke saharey kar raha hoon zindagi,

Jo mujhe Waasiq milta tha, ik safar ki raat mein..

Sulagtey chaand ki tanhayion mein

Sulagtey chaand ki tanhayion mein zinda hoon,

Apne dard ki tanhaayiyon mein zinda hoon,

Kisi ki neend main mehkaa hoon khawab ki surat,

Kisi ke jism ki angrrayiyon mein zinda hoon,

Dhannak khayalon ki lafzon ka rehsmi bistar,

Main tere hijar ki raa’nayiyon main zinda hoon,

Yeh log taaza rafaqat mein saans lete hain,

Main apni zaat ki tanhayion mein zinda hoon, 

Kashish faraar ki insaan ka muqaddar hai,

Paraaye khawb ki parchaayion mein zinda hoon..

Pathar ke khuda, pathar ke sanam, pathar hi ke insaan

Pathar ke khuda, pathar ke sanam, pathar hi ke insaan paye hain,

Tum sheher-e-mohabbat kehtey ho, hum jaan bacha ke aye hain,

Hum soch rahe hain muddat se, ab umar guzaaren bhi to kahan,

Sehraa mein khushi ke phool nahin, shehron mein ghamon ke saye hain,

Honton pe tabassum halka sa, ankhon mein nami si aye Faqir,

Hum ehel-e-mohabbat per aksar aesey bhi zamaaney aye hain..

Phir us ke jaatey hi yeh dil sunsaan

Phir us ke jaatey hi yeh dil sunsaan ho kar reh geya,

Achaa bhala ik sheher tha veeraan ho kar reh geya,

Rut ne mere chaaron taraf kheenchey hisaar baam-o-dar,

Yeh sheher phir mere liye zindaaan* ho kar reh geya,

Kuch din mujhe awaz di logon ne us ke naam se,

Phir sheher bhar main woh meri pehchaan ho ker reh geya,

Ik khawab ho kar reh gayin gulshan se apni nisbtain,

Dil raizaa raizaa kaanch ka guldaan ho kar reh geya..

Insan main haiwaan yahan bhi hai wahan bhi hai

Insan main haiwaan* yahan bhi hai wahan bhi hai,

Allah nigehbaan yahan bhi hai wahan bhi hai,

Khoon-khawaar darindon ke faqat naam alag hain,

Har sheher beyaabaan yahan bhi hai wahan bhi hai,

Naaron ka sakoon, waadon ke ghar, khawbon ki khushiyan,

Bazaar main samaan yahan bhi hai wahan bhi hai..

Ik baar jo bichray woh dobara nahi milta

Ik baar jo bichray woh dobara nahi milta,

Mil jaaye koi shakhs to sara nahi milta,

Us ki b nikal aati hai izhaar ki soorat,

Jis shakhs ko lafzon ka sahara nahi milta,

Phir doobna yeh baat bohat soch le pehle,

Har laash ko daryaa ka kinaara nahi milta,

Yeh soch k dil phir se hai aamada e ulfat,

Har baar mohabat mai khasaara nahi milta,

Woh shehar bhala kaise lagay apna jahan par,

Ik shakhs bhi dhoonde se hamara nahi milta..

Kese koi chupaaye aansuu

Kese koi chupaaye aansuu,

Aakhir aankh main aaye aansuu,

Tujh ko yeh maloom nahin,

Kitne raat bahaaye aansuu,

Dard ki lazat aur barhi,

Jab aansuu main milaye aansuu,

Mene kaajal saaf kiya,

Aur palkon pe sajaye aansuu,

Us ne meri yaad main Rahi,

Kese aaj bahaaye aansuu..

Bichar kar tujh se zinda hoon

Bichar kar tujh se zinda hoon meri taqdeer to dekho,

Kabhi aa kar mere halaat ki tasveer to dekho,

Mujhe mehfil mein dekha tu kaha us ne raqeboon se,

Mera aashiq, mera paagal, mera dargeer to dekho,

Teri tasveer ke peeche hain jaalay bewafayi ke,

Ullat kar tum zara apni, kabhi tasveer to dekho,

De kar pyar ki daulat khareeday khoon ke aansu,

Milli jo ishq mein, zara jageer to dekho,

Likha hai naam saahil ka shararat hai raqeboon ki,

Yeh khat mera nahi janaan, zara tehreer to dekho..

Main ke pachtaawa na tera hota

Main ke pachtaawa na tera hota,

Kash tu ne mujhe socha hota,

Hum marey hote magar jee uthtey,

Tu ne ik baar pukaara hota,

Tum mujhe dekhte apni chat se,

Kaash main shaam ka taara hota,

Main bhattak jata tere rastey se,

Gar kabhi tera ishaara hota,

Jiss gharri tu ne karam farmaya,

Kaash woh lamhaa dobara hota,

Tujh se bhi toot na sakta aye kaash,

Main tera pukhtaa iraada hota,

Tere aangan mein kisi saawan mein,

Ban ke barish hi main utraa hota,

Jis se koi bhi na guzraa ho Shumaar,

Main tere dil ka woh raasta hota..

Dosti itni barhi us se judai ho gayi

Dosti itni barhi us se judai ho gayi,

Dekhte hi dekhte sabzey se kaayi* ho gayi,

Jesa suntey they kabhi wesa zamana ageya,

Rog sastey ho gaye mehngi dawaayi ho gayi,

Ab to matti main bhi pehli si wafaa baqi nahin,

Khait banjar ho gaye aur rut paraayi ho gayi,

Shaam ko dholakk ki layy per gaa rahi thi larkiyan,

Hum rahe chup chaap aur us ki sagaayi ho gayi,

Ik nazar main cheen kar woh meri duniya le geya,

Aik pal main zindagi bhar ki kamaayi ho gayi..

Usey pana tha usey khona tha

Usey pana tha usey khona tha,

Yeh bhi hota tha woh bhi hona tha,

Kitni dair aur us ko rona tha,

Woh jo hona tha woh to hona tha,

Shayed is wastey mili aankhain,

Bojh kuch aansuyon ka ddhona tha,

Kya ghazzab kar liya ankhon ne,

Mujhe to tujhse chup ke rona tha,

Hum ne moti samajh liye they Adeem,

Warna daaman kisey bhigona tha..

Assar mujh per kare gi kya

Assar mujh per kare gi kya,

Kisi gulzaar ki khushbu,

Mere dil mein to rehti hai,

Tumhari yaaad ki khushbu,

Tujhe bezaar karti hai dil e abad ki khawhish,

Mujhe abaad rakhti hai dil e barbaad ki khushbu,

Tere aney ke waadey per yeh kesa ratjaga sa hai,

Mujhe soney nahin deti tere irshaad ki khusbhu,

Woh jitne zakham deta hia mujhe sab phool lagte hain,

Mujhe mashoor rakhti hai sitam ki khushbuu,

Jahan dekho sara mohabbat se moater hai,

Kahin sheerin ki khusbu hai kahin farhaad ki khusbu..

Socha tha aik khawb jo dekha nahin geya

Socha tha aik khawb jo dekha nahin geya,

Phir us ke baad umar bhar soya nahin geya,

Kuch main bhi khudpasand tha kuch woh bhi be’niaz,

Toota to phir woh silsilaa jorra nahin geya,

Jab bhi mila, mila woh mujhe aayina badast,

Mujh se zeyada dair yeh dekha nahin geya,

Sompi thi jis ko khayal ki saari amaantain,

Us se mera khayal bhi rakha nahin geya,

 

Awaargi bhi sath rahi umar bhar Ataa,

Manzil ki simt main kabhi tanhaa nahin geya..

Woh hain pass aur yaad aney lage hain

Woh hain pass aur yaad aney lage hain,

Mohabbat ke hosh ab thikaney lage hain,

Suna hai humain woh bhulaney lage hain,

To kya hum unhe yaad aney lage hain,

Hattaye they jo raah se doston ki,

Woh pathar mere ghar mein main aney lage hain,

Woh phir mujhe yaad aney lage hain,

Jinhe bhoolne mein zamaney lage hain,

Yeh kehna tha unse mohabbat hai mujh ko,

Yeh kehne mein mujh ko zamaney lage hain,

Qayamaat yaqeenan ab qareeb agayi hai,

Khumaar ab to masjid main jaaney lage hain..

Is liye murr ke dekhna bhi hai

Is liye murr ke dekhna bhi hai,

Pairr sookha hai, haraa bhi hai,

Jo mere gham se ashnaa bhi hai,

Mujh mein ik shakhss dusra bhi hai,

Ab khuda janey shair hai ke sawaal,

Us ne kaghaz pe kuch likha bhi hai,

Sab ult phair hain muqaddar ke,

Warna woh shakhss to mera bhi hai,

Tu mere hadh-o-haal puchta hai,

Kya tere pass aayina bhi hai,

Yeh jo pairron main shor hai Aami,

Is se lagta hai kuch hawaa bhi hai..

Kiya karti hoon tanhai main

Kiya karti hoon tanhai main ashkon se wuzu aksar,

Tassawur mein raha karti hai tujh se guftugu aksar,

Teri ankhon mein khud ko dhoondti hoon is liye shayed,

Ke apni hi raha karti hai mujh ko justuju aksar,

Takaa karti hoon tanha beth kar pehron jo phoolon ko,

Tumhari un main hoti hai shabahat hu’bahuu aksar,

Woh raaz dil jisey phoolon ki surat dil main rakha tha,

Ussi ki to mehek phailli hai jaana, chaarsu aksar,

Sadaf! deen-e-wafaa ka dum to sab bharty hain lekin kyon,

Issi ke naam par galiyon mein behtaa hai lahuu aksar..

Teri mohabbat ka bhojh

Teri mohabbat ka bhojh ddhonay se reh geya hoon,

Mujhe yeh dukh hai mein tera honey se reh geya hoon,

Mujhe bhi aati hai duniya daari bicharrney waley,

Magar mein iss saanchey pe roney se reh geya hoon,

Kahin hoon mojood main bhi iss dastaan main lekin,

Teri zubaani beyaan honey se reh geya hoon,

Mere hadh-o-haal mukhtlif to nahin hain tujhse,

Magar mein kyon tere jesa honey se reh geya hoon,

Yeh khaak mere lahuu ki peyaasi hai aur Shehzaad,

Yahan mein shaakh gulaab bonnay se reh geya hoon..

Jeevan raah pe chalte chalte

Jeevan raah pe chalte chalte murr ke dekha barson baad,

Kya khoya kya hum ne aaj yeh jaana barson baad,

Aik zara si deir mein barson ki khamoshi toot gayi,

Kiss ne yeh jheel main pehlaa pathar phenka barson baad,

Bethe bethe aaj kis ki yaad ne yun angrrayi li,

Ashkon ka be’mausam badal toot ke barsa barson baad,

Muddat baad milley hum dono to aesa mehsoos hua,

Waqt ne tasveer ke do tukrron ko jorra barson baad,

Raat mere kamrey mein koi saaya sa lehraaya tha,

Neend urri ankhon ne shayed sapna dekha barson baad,

Taabeeron ke khoj mein aaj apna aap ganwa bethe,

Ansar apna har ik sapna jhonkaa nikla barson baad..

Us ko bhi bachaana hai khud ko bhi bachana hai

Us ko bhi bachaana hai khud ko bhi bachana hai,

Ik simt hai zaat apni ik simt zamana hai,

Hum se na koi uljhey hum log hain deewaney,

Aandhi se humain zid hai ik deep jalana hai,

Hum dono ko baanta hai daryaa ke kinaron ne,

Iss simt bhi rehna hai us paar bhi jaana hai,

Yeh ishq to fitrat hai kese ho judaa mujhse,

Yeh rog hai matti ka aur sadiyon purana hai,

Basti hi chupa li phir us shakhs ne hathon mein,

Itna jo kaha mene ik sheher basaana hai,

Ik aankh hai sehraa to ik aankh samahdar hai,

Kya janiye is dil main kis kis ko samaana hai,

Kehne ko bohat kuch hai aye Saad magar hum ne,

Ik vaada nibhaana hai ik dard chupaana hai..

Woh kya din they jab ik larki

Woh kya din they jab ik larki mere khawbon mein rehti thi,


Woh mere sath hansti thi woh mere sath roti thi,

Lipat jati thi mujhse bhag kar main jab bhi ghar ata tha,

Kahin bhi jab jaaney lagta to woh rasta rok leti thi,

Woh kehti thi mohabbat ka koi mausam nahin hotaa,

Woh subah o shaam chahat ke sunehrey khawb bunti thi,

Hum aksar chandni raton mein sehraa ke taraf jatey,

Woh bheegi rai par mera aur apna naam likhti thi,

Woh daryaa ke kinarey beth jati thi kabhi ja kar,

Mujhe us waqt sohni ki tarah woh sachi lagti thi,

Bicharr janey ka us ke dil mein ik dharrka sa rehta tha,

Woh mera haath gehri neend mein bhi thaamey rakhti thi..

Usey to kho hi chukey

Usey to kho hi chukey phir khayal kya uska,


Yeh fikr kesi ke ab hoga haal kya us ka,


Woh aik shakhss jisey khud hi chorr bethe they,


Karke karna ab kis khatir malaal us ka,


Yeh soch kar na miley phir usey kabhi Khalid,


Na janey ho ga nadaamat se kya haal us ka.

Yunhi be sabab na phira karo

Yunhi be sabab na phira karo, koi shaam ghar mein rha karo,

Woh ghazzal ki sachi kitaab hai usey chupke chupke parha karo,

Koi hath bhi na milaye ga jo milo ge tapaak se,

Yeh naye mizaaj ka sheher hai zara fasiley se mila karo,

Abhi raah main kayi morr hain koi aye ga koi jaye ga,

Tumhe jis ne dil se bhulaa diya usey bhoolne ki dua karo,

Mujhe ishtehaar si lagti hain yeh mohabbaton ki kahaniyan,

Jo kaha nahin woh suna karo, jo suna nahin woh kaha karo,

Kabhi husn parda nasheen bhi ho zara aashiqana libaas mein,

Jo mein ban sanwar ke kahin chaloon mere sath tum bhi chala karo,

Nahin be’hijaab woh chaand sa ke nazar ka koi assar na ho,

Usey itni garmi-e-shoq se bari dair tak na takka karo,

Yeh khizaan ki zard si shaal main jo udaas pairr ke pas hai,

Yeh tumharey ghar ki bahaar hai, usey aansuyon se haraa karo.

Chammak rahi hai paron mein urran ki khushbu

Chammak rahi hai paron mein urran ki khushbu,

Bhulaa rahi hai bohat asmaan ki khshbu,

Bhattak rahi hai purani dilayiyaan orrhey,

Haweliyon mein mere khaandan ki khushbu,

Sunaa ke koi kahaani humain sulaati thi,

Duaayon jesi barrey paandaan ki khushbu,

Woh atardaan sa lehjaa mere bazurgon ka,

Rachi bassi huyi urdu zubaan ki khushbu,

Amaarton ki bulaandi pe koi mausam kya,

Kahan se agayi kachey makaan ki khushbu,

Gulo’n pe likhti hui La Ilaha Ill Allah,

Paharriyon se utarti azaan ki khushbu..

Sun li jo khuda ne woh dua tum to nahin ho

Sun li jo khuda ne woh dua tum to nahin ho,

Darwaazey pe dastak ki sadaa tum to nahin ho,

Simtti huyi sharmaayi huyi raat ki raani,

Soyi huyi kaliyon ki hayaa tum to nahin ho,

Mehsoos kiya tum ko to geeli hui palkein,

Bheegey huye mausam ki adaa tum to nahin ho,

In ajnabi raahon mein nahin koi bhi mera,

Kis ne mujhe yun apna kaha, tum to nahin ho..

Husan ko lajawab hona tha

SAQI

SUNO

SUNO....... !

Suno Acha Sa Lagta Hai, Chalo Yunhi Chale Aao....... !

Pal Doo Pal Hi Sahi, Mere Humraah Ban Jaao......

Zindagi ka sochta hun na zamane ka sochta hun

Zindagi ka sochta hun na zamane ka sochta hun

Mai to bs use apna banane ka sochtaa hun

Us k roth jane k andaz ki qasam

Woh roth jai to manane ka sochta hun

Us ne na ki wafa to gila nahi

Main us se wafain nibhanay ka sochta hun

Woh to aik dost hai meri zindagi ka

Mai to us ko humsafar bnany ka sochta hun

Woh muj ko rolaye to koi bat nahi

Me ro kr b use hansane ka sochta hun

Tumhari yaad ki khushbu

Tumhari yaad ki khushbu mery daman sai lipti hai


Bara acha sa lagta hai tumhe he sochtey rehna

Khush Naseeb Hon Mein K Musalman Hon

 
Khush Naseeb Hon Mein K Musalman Hon,

Mein Kisi Ko Salam Karon To Neki,

Mein Kisi Ko Muskura K Dekhon To Neki,

Koi Kaam Shuru Karne Se Pehle Bismillah Parhon To Neki,

Mein Kisi Ache Kaam Ka Sochon Bhi To Neki,

Mein Gussa Qabu Karon To Neki,

Mein Seedhy Hath Mein Glass Pakar K Pani Peon To Bhi Neki,

Apne Maan Baap Ko Muskura K Dekhon To Maqbol Hajj Ka Sawab,

Mein Yeh Batein Kisi Ko Batao To Neki,

Or Woh Amal Kare To Bhi Neki.

Apni Kharaabiyon Ko Pass-e-Pusht Daal Kar

Apni Kharaabiyon Ko Pass-e-Pusht Daal Kar


Har Shakhs Keh Raha Hai Zamana Kharab Hai.

Ye Keh Kar Sitam_Gar Nay

Ye Keh Kar Sitam_Gar Nay Zulfoo'n Ko Jhatka...



Bohat Din Sey Duniya Pareshaa'n Nahi Hai...!!!

Aab Intazar Ek Aadat Si Hogai Hai

Aab Intazar Ek Aadat Si Hogai Hai,


Khamoshi Se Ek Caahat Si Hogai Ha,


Na Shikwa Na Shikayat Karne Ki Zarurat Ha,


Kyuki us ajnabi Se Abb Mohbbat Si Hogai Hai…

Ek ajnabi hain magar

Ek ajnabi hain magar, rooh shanas lagta hain ,


Meri tarah mujhe woh bhi udaas lagta hain ,


Karu talaash to ho shakk wajood par uske ,


Jo aankhe band bhi karu to aas paas lagta hain

Puraani Ho Kar Aur Bhi

Puraani Ho Kar Aur Bhi Azaab Hoti Ja Rahi Hai,

Mohabbat Be-Sharam Be-Hisaab Hoti Ja Rahi Hai

 

 

 

Mohabbat kya hai

do lafzo main tumhey batatey hai


Tera majboor kar dena....PAGAL

... Mera majboor ho jana.....!!

Badla Youn Rang Aaap Ny Hairat Hoie Mujy

Badla Youn Rang Aaap Ny Hairat Hoie Mujy

GirGit ko Maat Day Gaie Fitrat Janab Ki

مبارک ھو بہت بہت قرآن مجید کو ایک ہزار چار سو چودہ

مبارک ھو بہت بہت قرآن مجید کو ایک ہزار چار سو چودہ

 سال مکمل ھو چکے ھیں یہ بہت زیادہ لوگوں کو بتاؤ

 تا کہ وہ مبارک باد سے محروم نا رہے نیو سال

 کے موقعے پر تو بھت سے لوگ میسج کرتے ھیں

 اب دیکھتے ھیں کہ آپ 

قران پاک کی مبارک کتنے لوگوں کو دیتے ھیں.

Sab Kuch Mila Hai Magar Fir Bhi Kuch Kami Si Hai

Sab Kuch Mila Hai Magar Fir Bhi Kuch Kami Si Hai,
Labon Par Muskan Magar Aankhon Mein Nami Si Hai,
Chalna Hai Zindagi, Tune Kaha Tha Chalte Rahna,

Kadam To Uthte Hain Magar Zindagi Thami Si Hai,

Sookhi Nadi Ko Nahi Hoti Ummid Sagar Se Milne Ki,

Tere Jane Ke Baad Meri Bhi Haalat Kuch Usi Si Hai,

Soch Ke Chala Tha Teri Yaad Ko Saath Na Launga Mein,

Magar Dil Ke Kone Mein Wo Aaj Bhi Dabi Si Hai